Mesas sectoriais e diagnóstico empresarial
Impulsa Coruña desenvolve un proceso de análise continua do tecido empresarial da provincia para coñecer a súa realidade, identificar retos prioritarios e detectar novas oportunidades de desenvolvemento. Este proceso desenvólvese en todo o territorio, contando coa participación de empresas e entidades das comarcas de Bergantiños, Terra de Soneira, Fisterra, Ordes, Betanzos, A Coruña, Eume, Ortegal e Ferrol, co fin de obter unha visión ampla e representativa da realidade empresarial.
Diagnóstico do tecido empresarial e proceso participativo sectorial
Análise da situación económica da provincia para identificar necesidades, retos e oportunidades nos sectores estratéxicos, complementada coa articulación de mesas sectoriais nas que empresas, asociacións e entidades analizan o presente e contribúen a definir o futuro dos sectores produtivos.
