A CEC, no marco das súas accións de información e promoción da PRL, organiza tres novas actividades dirixidas a fomentar a seguridade, a saúde e o benestar no ámbito laboral.
- Avaliación da exposición ao radón nos centros de traballo — 16 de setembro, Santiago de Compostela. Unha xornada para coñecer o marco actual, compartir experiencias e boas prácticas e abordar as principais solucións de remediación deste risco.
- Curso de teleformación: Hábitos de vida saudables (10 horas)— do 14 ao 21 de setembro. Formación gratuíta para adquirir ferramentas e incorporar hábitos relacionados coa alimentación, a actividade física, o descanso, a xestión do estrés e a saúde mental.
- Relacións difíciles e saúde psicosocial — 24 de setembro, A Coruña. Unha sesión práctica para aprender a identificar e xestionar situacións complexas nas relacións profesionais, previr riscos psicosociais e favorecer contornas laborais máis saudables.
- Curso de nivel básico con perspectiva de xénero — 50 horas – do 28 de setembro ao 19 de outubro. Formación orientada á adquisición dos coñecementos básicos en prevención de riscos laborais, incorporando a perspectiva de xénero na identificación, avaliación e xestión dos riscos.
- II Xornada Galega de PRL: Universidade e empresa ante os retos preventivos – 2 de outubro. Un punto de encontro entre a universidade e a empresa para analizar os novos retos da prevención, compartir coñecemento e impulsar a colaboración e a innovación no ámbito da PRL.
Cinco propostas para avanzar na prevención, coidado da saúde e benestar das persoas no ámbito laboral. Son de carácter gratuíto e contan com financiación da Xunta de Galicia, contribuíndo a reforzar a cultura preventiva no noso territorio.
