A elección dun deseño retro conecta coa estética clásica da comunicación en prevención de riscos laborais, evocando os primeiros materiais divulgativos do século XX.

O feito de que na cartelería se representen unicamente homes respóndese pola propia lóxica histórica e estética do recurso: naquela época, os materiais gráficos de PRL estaban dirixidos a sectores moi masculinizados, e esa representación reproduce fielmente ese contexto.

Para equilibrar e actualizar a mensaxe, elaboráronse os vídeos que permiten:

• Complementar a visión histórica cun enfoque contemporáneo.
• Traballar a parte técnica da PRL de maneira clara e pedagóxica.
• Visibilizar ás mulleres no ámbito laboral, mostrando que hoxe a prevención de riscos non só é universal, senón tamén inclusiva e adaptada á diversidade de xénero e sectores.
• Reforzar a mensaxe de que a seguridade é un dereito e unha responsabilidade compartida por todas as persoas traballadoras.

Esta iniciativa está financiada pola Xunta de Galicia, no marco do proxecto solicitado pola CEG e que executa a CEC ao abeiro das axudas para a realización de actividades no ámbito de prevención de riscos laborais conforme a Lei 31/1995, do 8 de novembro, de prevención de riscos laborais.

Os materiais da iniciativa están deseñados para uso libre e adaptado dentro dos centros de traballo. O obxectivo é que poidan empregarse en campañas de información, formación ou sensibilización, sempre mantendo o espírito da iniciativa: transmitir prevención de maneira próxima, creativa e con retranca galega. Respetando a autoría e financiación dos mesmos.

• Sensibilizar sobre a importancia da PRL dun xeito cercano e participativo.
• Promover a cultura preventiva integrando o humor e a sabedoría popular galega.
• Facilitar que as persoas reflexionen e compartan experiencias, facendo da prevención un valor colectivo.

Empregar retranca permítenos:

• Captar a atención das persoas de maneira lixeira e divertida.
• Transmitir reflexións serias sobre prevención sen resultar pesado ou repetitivo.
• Conectar coas persoas usando referencias culturais propias que se senten cercanas e identificables.
• Fomentar o recordo das mensaxes, porque a retranca crea imaxe e emoción xunto á información.

A retranca é un estilo de humor galego, sutil e irónico, que expresa crítica ou reflexión con un ton amable e elegante. Non é sarcasmo agresivo, senón unha forma de comunicar con astucia, retranca e sorriso, facendo que a mensaxe cale mellor.