Provincia Emprendedora: impulso á actividade empresarial
Impulsa Coruña ofrece un conxunto de actuacións orientadas a apoiar a creación, consolidación e desenvolvemento de proxectos empresariais na provincia. A través dun servizo integral de asesoramento e acompañamento, o programa facilita o emprendemento e contribúe a fortalecer o ecosistema empresarial. Estas actuacións desenvólvense en todo o territorio, con especial presenza nas comarcas de Bergantiños, Terra de Soneira, Fisterra, Ordes, Betanzos, A Coruña, Eume, Ortegal e Ferrol, garantindo un servizo accesible e adaptado á realidade económica de cada zona.
Fomento do emprendemento e da actividade empresarial
Actuacións orientadas a apoiar a creación, consolidación e desenvolvemento de proxectos empresariais, a través de servizos de asesoramento a persoas emprendedoras, apoio na procura de financiamento e accións de impulso da cultura emprendedora no ámbito educativo e social.
Acompañamento integral ao emprendemento
O programa ofrece asesoramento a persoas emprendedoras ao longo de todo o proceso, desde a definición da idea ata a posta en marcha e consolidación do proxecto.
ESTÁS PENSANDO EN EMPRENDER OU IMPULSAR O TEU NEGOCIO?
Accede a asesoramento personalizado e apoio para desenvolver o teu proxecto empresarial.
