Este mes de xuño chega ao seu fin o proxecto Espazos de Encontro en Sostibilidade e Economía Circular, desenvolvido pola CEC co apoio financeiro do IGAPE.
Durante este ano celebramos diferentes obradoiros, visitas a empresas e sesións informativas sobre as seguintes temáticas vencelladas a sostibilidade:
- Modelos de negocio circulares
- SCRAPs
- Desperdicio alimentario
- Contabilidade ambiental
Para reforzar os contidos traballados, realizáronse catro visitas técnicas a centros de referencia:
- INSERTEGA no polígono de Sabón
- SOGAMA, en Cerceda
- CETIM, no polígono de Alvedro
- ESTRELLA GALICIA, no polígono de Agrela
Como resultado do proxecto, elaboráronse diversos materiais de gran valor, entre os que destacan:
- Preguntas e respostas en sostibilidade e economía circular
- Informe de retos e oportunidades en materia de sostibilidade e economía circular na cadea de alimentación en Galicia
- Facilitación gráfica
- Video resumo / entrevistas
Un dos maiores logros do proxecto foi a creación dunha rede de empresas colaboradoras, que comparten información, consolidan iniciativas en sostibilidade e promoven novos proxectos conxuntos.
Un verdadeiro luxo contar co talento humano que participou nestes espazos de encontro.
Desde a CEC, comprometémonos a seguir impulsando esta rede, ofrecéndolle sempre un punto de apoio e acompañamento desde a nosa entidade.
Se tes interese en formar parte desta rede, non dubides en contactar coa CEC!