Sostibilidade e economía circular no sector alimentario

Hoxe máis que nunca, o sector alimentario enfróntase a un dobre desafío: producir máis e mellor, pero facelo respectando os límites do planeta. A crise climática, a perda de biodiversidade, o desperdicio alimentario e a presión sobre os recursos naturais son retos que nos interpelan como sociedade e, de forma moi directa, como profesionais do agro, da transformación e da distribución.
 Pero tamén son unha oportunidade. Porque a economía circular non é só unha palabra de moda: é unha vía real para reducir residuos, recuperar valor e reinventar procesos. É unha maneira de traballar con intelixencia, conectando tradición e innovación, xerando emprego de calidade e valor engadido nos nosos territorios.

Ao longo desta xornada, escoitaremos voces de empresas produtoras, fabricantes, distribuidoras e iniciativas de economía social que están a dar pasos decididos neste camiño. Compartiremos experiencias, ferramentas e reflexións. E, sobre todo, poñeremos en común o noso compromiso co futuro: un futuro alimentario máis xusto, máis sostible e máis circular.

Con esta xornada a CEC pon o punto final, ou punto e seguido ao proxecto financiado polo IGAPE denominado:  Espazos de Encontro de Economía Circular.  Unha iniciativa que ao longo do seu percorrido conectou coñecemento, experiencias e inspiración arredor dun obxectivo común: avanzar cara a modelos produtivos máis sostibles e colaborativos.

Programa:
●     09:30.- Recepción.

●     09:45.- Benvida institucional a cargo do IGAPE e da CEC.

●     10:00.- Charla inaugural: A importancia do cálculo ambiental nos negocios da alimentación

●     10:30.- Mesa de empresas produtoras e fabricantes
●     11:30.- Pausa café
●     12:00.- Mesa de empresas distribuidoras de alimentos : A sostibilidade e a economía circular nas empresas distribuidoras da alimentación. 
●     12:45.- Mesa de empresas de economía social: A sostibilidade e a economía circular na economía social. 

●     13.30.- Charla final: Sostibilidade, economía circular e I+D

●     13.45.- Peche da xornada: presentación de resultados e próximos pasos.

A asistencia é gratuita, pero requírese inscrición.