Terán prioridade as persoas que procedan de empresas afectadas, directa ou indirectamente, polo peche das centrais térmicas de Meirama e As Pontes (A Coruña). Entre elas inclúense:

  • Empresas auxiliares que realizan tarefas de mantemento eléctrico, mecánico, control electrónico, ambiental, químico, ou ECAs que emiten certificacións de cumprimento normativo.
  • Empresas de subministración de compoñentes industriais, almacéns de material eléctrico, electrónica, ferreterías, etc.
  • Empresas constructoras e de obra civil, dedicadas á realización de obra nova ou ao mantemento de edificios.
  • Empresas de seguridade encargadas do control de accesos á central e da vixilancia do perímetro e instalacións auxiliares (subestación, planta de tratamento de auga…).
  • Empresas de transporte de mercadorías.
  • Empresas electrointensivas afectadas polo encarecemento da electricidade derivado do peche das centrais térmicas.