O Conselleiro de Medio Ambiente, Territorio e Infraestruturas da Xunta de Galicia, Agustín Hernández Fernández de Rojas, visitará o próximo día 18 de marzo, xoves, a Confederación de Empresarios de La Coruña e participará nun acto empresarial organizado por esta organización.

Agustín Hernández ofrecerá unha conferencia para presentar ante os empresarios coruñeses as principais actuacións e os plans de futuro do seu departamento, o máis investidor do Goberno autonómico. Unha vez rematada, o conselleiro atenderá as preguntas e as demandas dos asistentes ao acto.

Os interesados en asistir a este encontro empresarial deberán formalizar a súa inscrición enviando este boletín ben por fax: 981 132 598, ben por correo electrónico informacion.empresa@cec.es.

A partir do próximo día 1 de marzo, Solred levará a cabo unha serie de promocións válidas para todas aquelas empresas integradas nesta Confederación de Empresarios.

Para máis información, preme aquí.

O Instituto Tecnolóxico e Empresarial (ITE) de Caixa Galicia atópase planificando diferentes seminarios e conferencias de diversa temática para este ano 2009/2010.

Froito do convenio subscrito entre esta entidade e a CEC, as empresas vinculadas pódense beneficiar dun 20% de desconto no importe das matrículas e teñen preferencia na adxudicación das prazas.

Actualmente, as actividades previstas para o primeiro semestre de 2010, e que se acollen a este convenio, son as seguintes:

- Práctica da Consolidación de Balances no novo contorno contable: na Coruña, todos os venres pola tarde (de 17 h a 21h) e os sábados pola mañá (de 10 h a 14 h), desde o 16 de abril ata o 29 de maio (salvo o día 1 e o 17 de maio).

Así mesmo, desenvolveranse as seguintes xornadas cuxo acceso é gratuito, previa inscrición:
 
- Xornada de Actualización Fiscal: organizada en colaboración con Ernst&Young Abogados terá lugar na Coruña o 2 de marzo de 2010. Durante o seminario explicaranse as substanciais novidades que inciden na fiscalidade empresarial.

- Xornada sobre as Mellores Prácticas na Profesionalización dos Órganos de Goberno dunha Empresa Familiar": celebrarase na Coruña o día 4 de marzo de 2010. Os participantes terán a oportunidade de coñecer da man de D. Joaquín Pérez Bellido (Conselleiro e Directivo do Grupo Pérez Rumbao) o proceso de profesionalización que seguiu a empresa, favorecendo a transferencia de responsabilidades dunha xeración a outra e evitar problemas de comunicación na familia empresarial.

Para se inscribirse deberá remitir o formulario de inscrición correspondente a seminarios@itecaixagalicia.com ou ao fax 981 990 851.

Para máis información  pode visitar a páxina web www.itecaixagalicia.com ou chamar ao teléfono: 981 185 035.

Tras a sinatura do convenio de colaboración coa Escola de Negocios Caixanova ponse en marcha o noso Centro de Desenvolvemento Directivo, mediante o cal se propoñen actividades formativas para directivos das empresas asociadas á CEC.
    
Ademais, os nosos asociados beneficiaranse do 15% de desconto en cursos e dun 25% en seminarios.

Para ver as últimas novidades, preme aquí.